არქივები

არაბთა გაერთიანებული საამიროები, შემოკლებით ემირატები — მონარქიული სახელმწიფო არაბეთის ნახევარკუნძულზე.

ფართობი : 83.600 კმ².

ოფიციალური ენა: არაბული

ეროვნული ვალუტა: ემირატების დიჰრემი. (1$ = 3,63 ემირატების დიჰრემის)

უმაღლესი წერტილი: ჰაჯარის მთები

კლიმატი : ემირატები მსოფლიოს ერთ-ერთი ყველაზე ცხელი სახელმწიფოა, დუბაის წლიური საშუალო ტემპერატურა 13-23 გრადუსია

ქვეყნის უდიდესი ნაწილი უდაბნოს უკავია. მოსახლეობა ცხობრობს ზღვისპირა ზონაში ან ოაზისებში.

უზენაესი საბჭო შედგება 7 საამიროს მმართველებისაგან, რომელიც ირჩევს პრეზიდენტს და პრემიერ-მინისტრს 5 წლის ვადით. არაოფიციალურად პრეზიდენტის თანამდებობა აბუ-ზაბის შეიხეის ალ-ნაჰიანებს გადაეცემათ მემკვიდრეობით, პრემიერ-მინისტრობა კი დუბაის შეიხებს ალ-მაკტუმებს. უზენაესი საბჭო ირჩევს მინისტრთა საბჭოს და 40 კაციან საკავშირო ეროვნულ საბჭოს. დუბაის და რას ალ-ხაიმას საამიროების გარდა ყველა საამირო საკავშირო სასამართლო სისტემას ექვემდებარება. ემირატების ყველა საამიროში მოქმედებს აგრეთვე ისლამური სამართალი

7 საამირო და მათი მმართველები
აბუ ზაბი — შეიხი ხალიფა ბინ ზაიედ ალ-ნაჰიანი 2004 წლიდან
აჯმანი — შეიხი ჰუმაიდ ბინ რაშიდ ალ-ნუაიმი 1981წლიდან
დუბაი — შეიხი მუჰამედ ბინ რაშიდ ალ-მოკტუმი 2006 წლიდან
ფუჯაირა — შეიხი ჰამად ბინ მუჰამედ ალ-შარქი 1974 წლიდან
რას ალ-ხაიმა — შეიხი საქრ ბინ მუჰამედ ალ-ქასიმი 1948 წლიდან
შარჯა — შეიხი სულტან ბინ მუჰამედ ალ-ქასიმი 1987 წლიდან
უმ ალ-ქუვაინი — შეიხი რაშიდ ბინ აჰმედ ალ-მუალა 1981 წლიდან

უდიდესი ქალაქებია (1 იანვარი, 2005)
დუბაი : 1.137.347
აბუ-ზაბი : 603.492
შარჯა : 543.733
ალ-აინი : 408.733
აჯმანი : 226.172
საშ ალ-ხაიმა : 115.949

მოსახლეობის უმრავლესობა სუნიტი მუსლიმია, მცირე ნაწილი აღიარებს შიიზმს. ემირატებში ბევრია სამუშაოდ ჩასული უცხოელი. მათი უმრავლესობა ინდოეთის სუბკონტინენტიდან და ფილიპინებიდანაა.